Kulturë

Lamtumirë Robert Elsie!

elsie2005

Sot është një ditë zie për kulturën shqiptar, sepse u nda nga jeta një nga albanologët më të mëdhenj, Robert Elsie, njeriu që e dashuroi Shqipërinë si asnjë i huaj tjetër.

 

U nda sot nga jeta albanologu i mirënjohur Robert Elsie, një njeri i jashtëzakonshëm, i cili ia dedikoi jetën e vet kombit shqiptar. Amaneti i tij…të prehet në Shqipëri! këtu po ju sjellim fjalët e shkrimtares sonë Flutura Açka, njëkohësisht edhe mike e ngushtë me Robert Elsien. “Miq! Ikja sot e albanologut, studiuesit, përkthyesit, hulumtuesit, njeriut të të gjitha përmasave të letrave, njeriut që e dashuroi Shqipërinë si asnjë i huaj tjetër, Robert Elsie, është një nga humbjet më të mëdha për kulturën shqiptare. Një akademi që ecte, një nga njerëzit që punoi i vetëm aq sa institute nuk mundën dot, e la në mes e të pakryer kështjellën letrare të tij ku strehonte kulturën shqiptare. Ai la pas një vepër të jashtëzakonshme dhe të pazëvendësueshme. Ne shqiptarët e sotëm mbase nuk do ta dimë mjaftueshëm kush është Robert Elsie, letrat shqipe sot mbase prej shkujdesjes, nuk e kanë patur vëmendjen e duhur ndaj këtij titani letrash, por brezat që do të vijnë, do ta kuptojnë që ky njeri i thjeshtë dhe jashtëzakonisht punëtor – një nga njerëzit më punëtorë të letrave që kam njohur – i ka bërë të tillë shërbim kulturës shqiptare, që ajo sot duhet të ndihet në zi. Kultura shqiptare është sot në zi. Vepra e këtij njeriu modes në natyrën e tij njerëzore, por e papërmasë si pasuri për ne, ka qenë engjëlli i vërtetë mbrojtës dhe i pazëvendësueshëm për kulturën shqiptare. Si shkrimtare shqiptare, si mike e tij, si shqiptare do të isha e lumtur që Atdheu im do të bëjë një vend për këtë njeri të pazëvendësueshëm, dhe shqiptarët të kenë mundësi ta kenë plotësisht të tyrin Robert Elsien. Pushofsh në paqe mik i vyer!”- ka shkruar shkrimtarja Flutura Açka.

admin

Artikujt e tjetrë