Lifestyle

Të jetosh në pikturat e Van Gogh ka një mënyrë: Val D’Orcia

valdorcia001

Udhëtoni në një prej vendeve më të bukura në Toscana, aq i dashur nga piktorët dhe i lakmuar nga britanikët. Në Val d’Orcia çdo gjë është në vendin e duhur.

 

Kodrina, fshatra të lashtë plot hijeshi, kështjella mahnitëse. Është një nga destinacionet më të bukura në Evropë. Një pushim në Val d’Orcia, në mesin e peizazheve të tij që duken sikur kanë dalë nga pikturat e Van Gogh – ut, mund të shndërrohet në një aventurë mistike. Nuk është për tu çuditur se që nga viti 2004, Val d’Orcia u bë pjesë e Trashëgimisë Botërore të UNESCO-s, ndërsa parku Val d’Orcia Park është entitet i angazhuar në mbrojtjen dhe ruajtjen e kësaj pjese të parajsës.

Ku ndodhet Val D’Orcia? Në pjesën jugore të Toskanës përgjatë lumit Orcia. Administrativisht territori i saj është i përfshirë në krahinat e Sienës dhe Grossetos, ndërsa shumë komuna që janë pjesë e saj janë të grupuara në Bashkimin e Komunave Amiata Val d’Orcia. Çfarë mund të shohim nëse nisemi për një vizitë të shkurtër? Kemi me dhjetëra mundësi zgjedhjeje. Peizazhet e bukura të luginës kanë frymëzuar me të vërtetë  kryeveprat e shumë artistëve, sidomos ato të Shkollës Sienese. Çdo qytet është i pasur me trashëgimi artistike të së kaluarës, kishat dhe abacitë të joshin, për të mos përmendur kështjellat e shumta të Val d’Orcia, fortesa mesjetare shpesh të ruajtura shumë mirë. Nëse e vlerësoni kuzhinën, pasuria e jashtëzakonshme gastronomike e zonës, e përbërë nga produktet tipike me famë ndërkombëtare; zhardhok këpurdhash Val d’Orcia, shafran Val d’Orcia, Pecorino Val d’Orcia dhe në veçanti verërat e jashtëzakonshme, të cilat janë të njohura si Brunello di Montalcino,  Rosso Orcia dhe Nobile di Montepulciano etj. Ekskursionet në vendet e Val d’Orcia domosdoshmërisht përfshijnë fshatin e vjetër të Pienza, i njohur gjithashtu si Qyteti Ideal,  kryevepër e rilindjes e cilësuar nga Papa Piu II. Castiglione në Val d’Orcia është një fshat piktoresk i dominuar nga një fortesë e vjetër, ndërsa San Quirico d’Orcia është një nga qytetet kryesore të luginës, si Montalcino me kalanë e tij të shekullit të katërmbëdhjetë. Magjike gjithashtu është atmosfera në qytetin Rilindjes e Montepulciano (ku është filmuar edhe një skenë nga filmi Twilight – New Moon).

wpid3330-IMG_9973

Në Val d’Orcia i njëjti udhëtim të zhvendosë në natyrën mahnitëse të një fshati, pastaj  Val d’Orcia njihet nga turistët si një vend piktoreskt me shpatet e gjelbra, vreshtat e dendur, pemë të larta, shtëpi madhështore dhe ferma të vjetra. Aty gjejmë edhe pemën shekullore, të vendosur në komunën e Pienzas, lisi i Checche-s, të paktën 300 vjeçar dhe 19 metra i lartë! Një mrekulli që të oforon alternativa pafund për një aventurë të paharrueshme.

admin

Artikujt e tjetrë