Lifestyle

Dashuri dhe trashëgimi në pjatë

Wreb Optimized DSC_3238 (2)

Janë dy gjëra të rëndësishme, të cilat e përkufizojnë Bledar Kolën si kuzhinier, por edhe restorantin që udhëheq, Mullixhiun, ruajtja e origjinalitetit të ushqimeve si edhe kreativiteti pa fund në çdo pjatë që servohet aty. Në një intervistë në Flatra ai na rrëfen pasionin e madh, që nisi nga aromat dhe shijet e shtëpisë së tij, u ndërtua në kuzhinat më të njohura evropiane, për tu rikthyer te rrënjët e tij, në Shqipëri.

    

Kur e kuptuat se jeni i dhënë pas kuzhinës dhe pse vendosët që të përkushtoheni profesionalisht në këtë sferë?

Nuk është se ka ndodhur me shtypjen e një butoni, por kam kujtimet kur isha fëmijë dhe kur ndihmoja nënën për të përgatitur bukën apo gjellën…Dhe pastaj me kalimin e viteve filloi edhe mu shtua kjo dëshirë e çmendur për të qene i rrethuar me ushqime dhe për t’i kënaqur njerëzit me anë të ushqimit….dhe gjithmonë dëshira për perfeksion.

Na përshkruani pak një ditë tuajën të zakonshme në ambientin e punës?

Dita fillon që në darkë kur përgatis listën e ushqimeve për të nesërmen dhe në mëngjes kur produktet arrijnë tek dera e kuzhinës ….Fillon një lloj energjie pozitive dhe frymëzim, i cili vjen nga produktet e stinës…Pasi t’i kemi sistemuar…nisim me përgatitjet e punëve që duan më shumë kohë dhe pastaj aty që duan më pak e kështu me radhë… Vjen orari i drekës, bëjmë një mbledhje të vogël me personelin dhe azhornojmë mbi pjatat që kemi hequr apo shtuar… Pasi të kemi kryer orarin e drekës, i cili është ora 4 ulemi të gjithë bashkë kalojmë drekën diskutojmë mbi gabimet, korrigjojmë vehten tonë për tu përgatitur për darken, e cila fillon në orën shtatë. Të njëjtën gjë bëjmë edhe në darkë, bëjmë një mbledhje të vogël për të azhornuar personelin dhe fillon shërbimi deri në orën 10. Kjo gjë përsëritet 7 ditët e javës…. dhe e vetmja gjë që na mban të pa lodhur është dëshira për të qenë më mirë se dje për të tejkaluar veten.

 

Na tregoni për ndonjë situatë të vështirë gjatë orarit të punës dhe si keni arritur ta menaxhoni atë?

Situata të vështira ka në çdo moment, sepse ke të bësh me ushqimin dhe të gjithë kanë të drejt të kritikojnë, por jo çdo kritikë është e drejtë dhe të përballesh me këto situata të bën edhe më të fortë. Situata të tjera janë kur kane rezervuar për 30 veta dhe vijnë 45 dhe ti duhet të gjesh zgjidhjen…në këto momente e vetmja zgjidhje është të maresh frymë thellë tri herë dhe të vazhdosh punën me fokus të plotë.

Ekziston ndonjë shef kuzhine që e keni si inspirim dhe e admironi për profesionalitetin?

Shefi që më inspiron më shumë është Rene Redzepi, ai i jep vlerë territorit dhe stinës, e kjo ka shumë rëndësi … ndihmon ekonominë, shëndetin dhe shtetin.

Cila është kuzhina juaj e preferuar dhe pse?

Më pëlqejnë gjitha kuzhinat, të cilat kanë në fokus perimet, por ajo japonezja është më e mira.

Çfarë bëni që të jeni aktual me trendet e reja të ushqimeve dhe na përmendni disa nga trendet e fundit në këtë industri?

Por zakonisht trendet ikin dhe vijnë, por nuk para i ndjek shumë mundohem të ndjek qiellzën e fëmijërisë, por duke e sjellë në kohë dhe pa e prishur strukturën e lëndës së parë.

admin

Artikujt e tjetrë