Lifestyle

Ndjesitë që na ka vjedhur teknologjia

Në një bisedë mes miqsh në kafe në një moment të caktuar kuptojmë që secili është “zhytur” në telefonin e tij. Secili po hulumton të gjejë vetveten…ose dikë tjetër.

 

Nga Argjenda Selmani

Në shekullin që ka marrë emrin“Shekulli i internetit“, në këto vite ku teknologjia ka ecur me hapa gjigante duket se pa e kuptuar ne ende mirë, shumë veprime të jetës tonë janë lidhur ngushtë me të. Natyrisht shumicën e tyre i bëjmë për shkak se na vjen më lehtë, apo sepse s’kemi zgjidhje tjetër, por disa edhe na janë kthyer në shprehi. Lidhur me gjitha këto dhe ndjesitë që teknologjia na ka vjedhur flasin në Flatra personazhe të ndryshme.  

 

Lexojmë libra online

Për ata që kanë mbërritur të ambientohen me leximin online s’ka më zhgënjime se libri nuk është në bibliotekën që po e kërkojnë , se dikush nuk ta ka kthyer, ose se dikush e ka marrë para teje. Libri gjithmonë është aty, jo në formën klasike që e ka shkruar autori, jo në dorën tënde ku t’i mund ti prekesh kopertinat, ta rrotullosh nëpër duar, ta shënosh emrin tënd në faqen e parë, apo ta vendosësh në raft, është në një ekran përball teje, por libër është, ende quhet i tillë.

 

Ne bëjmë shopping online

Përmes avansimit të teknologjisë neve na mjafton të kyçemi ne kompjuterit tonë, të gjejmë faqet ku gjinden gjërat qe ne dëshirojmë të blejmë t’i zgjedhim ato, t’i porosisim dhe të rrimë duke pritur në shtëpi. Ky trend i shitjeve dhe blerjeve online na ka lehtësuar punën dukshëm,  dhe ka ndryshuar goxha shumë formën klasike të të bërit shoping.

  Dërgojmë shumë mesazhe

Të gjithë sot e kemi më të lehtë të shkruajmë një sms, sesa të përdorim çdo formë tjetër të komunikimit. Por a është kjo gjithmonë mënyra e duhur? Sa arrijmë të tregojmë atë që duam, dhe sa të ngrohta janë urimet për festa e ditëlindje që ne i shprehim përmes sms-ve? Ndoshta mënyra më e lehtë nuk është gjithmonë mënyra e duhur..

 

 Shohim filma

Në ditët e sotme jemi më të priur të marrim në kompjuterin tonë një sezon të tërë të një seriali apo filmi, dhe ta shohim ata ndoshta brenda një fundjave, duke e shpërfillur kështu edhe tendencën e regjisorëve për të na lënë në pritje deri ditën e nesërme apo javën tjetër, dhe arsyetimi për këtë nuk na mungon.

 

 Luajmë online

Jo doemos kemi nevojë për një mik që të na ulet përballë në tavolinë për të luajtur një lojë me letra, shah apo domino. Tanimë ka shumë aplikacione të tilla, dhe makineria luan me ne. Kur humbim apo triumfojmë s’mund të debatojmë me të, dhe dallimi mes lojërave kompjuterike dhe klasike është shumë i madh.

admin

Artikujt e tjetrë